Пелистер го декласира Радовиш, Хаџиќ постигна 11 голови!

25 октомври 2025 - 13:30

Македонскиот ракометен шампион Пелистер славеше со 47-27 против Радовиш во деветтото коло од Суперлигата.

Победата на битолчани беше најавена уште во првото полувреме, кое им припадна на „зелено-белите“ со 22-11, додека во вториот дел продолжија да ја зголемуваат разликата до конечни +20 (47-27).

Најефикасен во победничкиот тим беше Алем Хаџиќ со 11 голови, додека Хакбарт постигна осум погодоци.