Се најде јунак да ја совлада Струга: Брера Струмица го нокаутира лидерот во лигата!

Брера по само седум минути игра имаше предност од два гола откако стрелаа Наумчески и Стојанов, меѓутоа Струга со погодок на Зенку ја врати неизвесноста.

Ндзенге се најде во одлична ситуација и повторно ја затресе мрежата на домаќинот за предност од 3-1 на струмичани, а во финишот на првиот дел Бојку постигна одличен гол за 2-3.

Струга не успеа да постигне и трет гол, откако не искористи неколку шанси, а тоа го казни Брера во 61. минута кога ги постави конечните 4-2.

Вториот меч кој се играше во истиот термин меѓу Работнички и Македонија ЃП заврши без победник (0-0). 

Првото полувреме понуди интересен фудбал од двете екипи, а „лавовите“ беа најконкретни во нападот, меѓутоа немаа муниција и не завршија ниту една акција со погодок.

Во второто полувреме подобар ривал на теренот беше составот од Дебар Маало, кој се закани неколку пати, но немаше промена на резултатот.