Атаман збесна како никогаш до сега, па „со сила“ беше избркан од салата (ВИДЕО)

25 октомври 2025 - 10:06

Тренерот на Панатинаикос, Ергин Атаман, го „почувствува“ првото исклучување во новата сезона на Евролигата и тоа во синоќешниот меч од шестото коло против Виртус Болоња.

Турскиот стратег доби две технички грешки поради бурна реакција на судиската одлука за неспортски фаул на Кендрик Нан, шест минути и 48 секунди пред крајот на третата четвртина. Атаман збесна како никогаш досега - протестираше енергично, гестикулираше кон судиите и набргу беше испратен во соблекувалната, па дури и надвор од салата. Во моментот на неговото исклучување, Панатинаикос губеше со резултат 42-52.

Без својот тренер, грчкиот гигант не успеа да се врати во натпреварот и на крај беше поразен со убедливи 75-92. Со овој неуспех, тимот од Атина сега има биланс од четири победи и два пораза по првите шест кола од Евролигата.