Фердинанд го обвини Саутгејт за поразот во финалето на ЕП 2024

15 јули 2024 - 14:58

Поранешниот фудбалер Рио Фердинанд не беше среќен по поразот на Англија од Шпанија со 1-2 во финалето на Европското првенство (ЕП) во Германија.

Селекторот Герет Саутгејт загуби уште едно финале, исто како пред три години од Италија, а Фердинанд смета дека главна причина за тоа е пристапот на тренерот.

„Ако мислите да играте конзервативна игра со толку голем потенцијал и талент, мора да победите. Селекторот го бира тимот, тоа е негов стил и мора да победите. Меѓутоа овие играчи се одлични во нивните клубови, додека на Европското првенство изгледаа ужасно“, кажа Фердинанд.