Проблем за „росонерите“: Мората најмалку три недели нема да игра за Милан!

20 август 2024 - 11:30

Едно од најзвучните засилувања за Милан во летниот преоден рок, Алваро Мората, ќе биде надвор од тимот најмалку во следните три недели и тоа поради повреда на мускулот на ногата.

Тој влезе во второто полувреме на саботниот дуел против Торино (2-2) и набрзо постигна гол, но подоцна го истегна мускулот поради што извесен период ќе мине на рехабилитација.

Мората поради ова нема да игра на средбите против Парма и Лацио, а нема да биде дел од селекцијата на Шпанија на стартните два меча од Лигата на нации.