Со убедлива победа на Бутел стартуваше новата сезона во ракометната Суперлига

07 септември 2024 - 16:35

Со денешниот натпревар помеѓу Бутел и Куманово стартуваше новата сезона во ракометната Суперлига на Македонија.

Домашнниот ја оправда фаворитската улога и го совлада МРК Куманово со 29-12. Од самиот старт Бутел тргна агресивно и брзо дојде до солидна предност. На паузата водството на Бутел изнесуваше осум разлика (13-5).

Не се промени сликата ниту во вториот дел, па така отворено беше само прашањето со колкава разлика Бутел ќе слави.

Предводници во победничкиот табор беа Николов и Михајловиќ со по шест постигнати погодоци. На спротивната страна Дамјан Јакимовски пет пати ја затресе мрежата.