Коментаторот воодушевен: Јокиќ е најпаметниот кошаркар во НБА! (ВИДЕО)

03 ноември 2024 - 08:25

Никола Јокиќ го предводеше Денвер до победа против Јута од 129-103, а имаше и еден потег кој привлече посебно внимание.

Во шестиот натпревар сезонава, Денвер дојде до третата победа, прва убедлива, претходните две беа обезбедени дури по продолженија.

Лидер во победата беше Никола Јокиќ кој даде 27 поени, имаше 16 скокови и девет асистенции, Портер постигна 20 поени. Во составот на Јута Кесие реализираше 18 поени со 14 скокови.

Еден потег беше посебно интересен, Јокиќ брзо изведе аут и асистираше речиси преку целиот терен за топката да дојде до Портер кој постигна тројка. Коментаторот се воодушеви од потегот на Србинот па го нарече најпаметниот играч во НБА.

Резултати:
Шарлот - Бостон 103-113
Филаделфија - Мемфис 107-124
Торонто - Сакраменто 131-128
Хјустон - Голден стејт 121-127
Милвоки - Кливленд 113-114
Сан Антонио - Минесота 113-103
Вашингтон - Мајами 98-118
Денвер - Јута 129-103
Феникс - Портланд 103-97
ЛА Клиперс - Оклахома 92-105