Ферстапен собори рекорд на Шумахер, поставен во 2003 година

03 ноември 2024 - 11:40

Во последните четири месеци не му оди најдобро на Макс Ферстапен во Светското првенство во Формула 1, но тој и натаму продолжува да поставува рекорди.

Денеска тој го одбележува 897. ден по ред како лидер на табелата во Формула 1 со што собори уште еден рекорд на Михаел Шумахер. Ферстапен постојано е прв во генералниот пласман од трката за Големата награда на Шпанија во 2022 година и оттогаш не паднал подолу од челната позиција. Рекордот на Шумахер изнесуваше 896 недели бидејќи тој беше на чело од трката во САД во 2000 до трката во Австралија во 2003.

Ферстапен сигурно ќе достигне и 900 дена бидејќи денеска на Интерлагос не може да ја загуби лидерската позиција, а ако успее да ја освои титулата, ќе ја пробие и границата од 1.000 дена.