Гвардиола: Да ми кажеше некој дека ова ќе се случува - немаше да му верувам!

23 април 2025 - 10:04

Стратегот на Манчестер Пеп Гвардиола по вчерашниот триумф над Астон вила истакна дека „граѓаните“ освоиле исклучително важни во бодови во битката за место во Лигата на шампионите.

 

Манчестер ситти до победата дојде со голот на Матеус Нуњеш во самата завршница и сега се наоѓаат на третата позиција со натпревар повеќе од главните конкуренти. 

„Многу сум среќен. Ова е голема победа за нас, но ќе треба да ја потврдиме и во наредните натпревари. Не е потребно да се биде голем тренер за да се дојде до заклучок дека Вила е многу добар тим кој му зададе големи проблеми на ПСЖ и го победи Њукасл“, изјави Гвардиола.

Додаде Пеп и дека не очекувал дека во финишот од сезоната ќе ги користи О'Рајли и Нуњеш како бекови. 

„Ако ми кажеше на почетокот на сезоната дека ќе се борам за Лигата на шампионите со О'Рајли и Нунеш како бекови, не би му поверувал“, изјави Гвардиола.

До крајот на сезоната, Сити го очекуваат натпреварите против Вулвс, Борнмут, Саутемптон и Фулам, како и полуфинале во ФА Купот против Нотингем Форест.

Фото: Manchester City/FB