Прилеп „гостуваше“ на свој терен против Струга и лесно дојде до победата!

23 април 2025 - 21:34

Мечот кој требаше да се игра во салата „Нико Нестор“, се играше во Прилеп откако двата клуба се договорија да направат ротација на домаќинствата. Номинално стружани беа домаќини, но мечот се играше во Прилеп кој славеше со 30-25.

Струга по пет кола во плеј-аутот е закована на дното и е главен кандидат за преселба во ранг подолу.

Прилеп со оваа победа нема потреба да стравува од опстанок, тие сигурно ќе останат да играат во елитното ракометно натпреварување и наредната сезона.

Најефикасен кај Прилеп беше Никола Цветаноски со шест голови, Бикоски, Шабановиќ и Квастек постигнаа по пет. За Струга Стојков даде седум голови.