Знамето со сонцето од Кутлеш „доминираше“ на славјето на најдобрите во Италија (ВИДЕО)

23 јуни 2025 - 10:48

Поранешниот македонски државен симбол, знамето со сонцето од Кутлеш, се најде во центарот на вниманието, барем на нашата спортска јавност, откако неочекувано доминираше на снимките од прославата на најдобрите во спринт-трката на Големата награда на Италија во Мото ГП првенството.

Фанот од Македонија со знамето се проби до првите редови и беше забележан на сите телевизиски снимки додека шампионот славеше со шампањско на подиумот. Навивачот со знамето дури беше испрскан со шампањско од Франческо Бањаја, кој заврши како третопласиран.

Викендот, инаку, мина целосно во знакот на Марк Маркез, кој вози за тимот на Дукати. Тој триумфираше во саботниот спринт, но и во главната трка, со што стигна до вкупно 93 победи, од кои 67 во најсилната Мото ГП класа.

 
 
 
 
 
 
 
 
 
 
 
 
 
 
 

A post shared by Ducati Corse (@ducaticorse)