Интер ја совлада Џенова и се врати на врвот во Серија А (ВИДЕО)

14 декември 2025 - 20:16

Фудбалерите на Интер вечерва беа подобри од Џенова со 2-1 во 15. коло од Серија А, па така со новите три бодови се искачија на врвот во италијанскиот шампионат.

„Нераѕурите“ двапати ја затресоа мрежата на Џенова во првото полувреме, и тоа преку Јан Бисек и Лаутаро Мартинез (2-0).

Витиња во 68. минута погоди за 1-2 и ја врати надежта на Џенова дека може да се спаси од пораз, меѓутоа домаќините немаа сила и за втор погодок во мрежата на Интер.

Интер е прв на табелата со 33 бодови, односно еден повеќе од Милан и два повеќе од шампионот Наполи.