Бурно деноноќие во Полска - се испотепаа навивачи на Челси и Бетис (ВИДЕО)

28 мај 2025 - 09:19

Вечерва од 21 часот во Вроцлав се игра финалето од Конференциската лига, а во текот на вчерашниот ден беше бурно во и во Вроцлав и Варшава каде се стационирани навивачите на клубовите учесници.

Полицијата имаше полни раце работа бидејќи приврзаниците се тепаа на повеќе локации низ градовите, во јавни објекти, кафулиња и на улиците. За среќа, сето тоа помина без жртви, а приведени се неколку десетици навивачи.

Иако Англичаните важат за проблематични фанови, во овој случај поголем проблем прават навивачите на Бетис на кои не им е првпат оваа сезона да создаваат неволји пред натпревари во Конференциската лига.