Пауновиќ го одбра составот за мечот против Луксембург

29 мај 2025 - 16:45

Женската одбојкарска репрезентација на Македонија утре од 20 часот ќе се соочи против Луксембург во салата „Парк“ во Струмица во рамки на Европската сребрена лига, а селекторот Стефан Пауновиќ го избра составот.

Од списокот за настап отпадна Мери Бишковска од Јанта Волеј КВ бидејќи се здоби со повреда на скочниот зглоб на еден од тренинзите и веќе е во процес на санирање на повредата.

„Од претходно најавив дека навистина имам тешка задача и со стручниот штаб бевме во сериозни дилеми околу изгледот на тимот за првиот меч. Сметам на сите и понатаму, се надевам дека и Бошковска ќе ја санира успешно повредата и што побрзо ќе ја имам на располагање. Од овие причини не го објавував составот се до крајниот рок“, кажа Пауновиќ.

Фото: Одбојкарска репрезентација на Македонија