Стартуваат подготовките за Белгија и Казахстан: Милевски ги собра фудбалерите (ВИДЕО)

29 мај 2025 - 15:24

Mакедонската фудбалска репрезентација денеска ги започна подготовките за двата натпревари против Белгија и Казахстан во рамките од квалификациите за Светското првенство.

Селекторот Благоја Милевски во текот на вчерашниот ден го објави списокот на повикани фудбалери, а на овој собир ќе има и еден дебитант, Стефан Деспотовски кој зад себе сезонава има солидни настапи во српското првенство за ОФК Белград.

Поради повреди во комбинација за настап не се: Никола Серафимов, Дарко Велковски и Лирим Ќамили.

Натпреварот против Белгија го играме на 6 јуни во Скопје со почеток од 20:45 часот, додека три дена подоцна ќе гостуваме на Казахстан.

Во првите две кола од квалификациите Македонија се соочи со Лихтенштајн и Велс, средби во кои запишавме една победа и едно реми.