Роналдо ја даде првата „корпа“, сè уште бара екипа за следната сезона!

29 мај 2025 - 17:57

Португалскиот фудбалер Кристијано Роналдо сè уште не решил каде ќе игра следната сезона, откако му завршува договорот со Ал-Наср, меѓутоа познато е каде сигурно не би заиграл.

Роналдо наводно добил понуда од ривалот на Ал-Наср, а тоа е Ал-Хилал кој сакал да го ангажира португалскиот голгетер, меѓутоа Португалецот ја одбил таа опција.

Еден од најдобрите фудбалери во историјата од 2023 година игра за Ал-Наср, а сега се шпекулира дека ќе ја напушти саудискиот тим, но засега нема конечна одлука од страна на Роналдо.

Ѕвездата на Ал-Наср оваа сезона настапи на 41 меч во сите натпреварувања, а притоа постигна 35 голови и четири асистенции.

Фото: Facebook/Al-Nassr FC