„Бомба“ од Лондон: Челси добива нов напаѓач!

29 мај 2025 - 16:30

Англискиот гигант Челси по освоената титула во Конференциската лига веднаш тргна по нови засилувања за следната сезона, а најпрво сака да го засили нападот и веќе го избра новото решение за составот на тренерот Енцо Мареска.

Новинарот Фабрицио Романо објави дека Челси постигнал договор со Лијам Делап од Ипсвич, а неговиот трансфер ќе чини 30 милиони фунти колку што изнесува откупната клаузула во договорот.

Делап беше желба на многу тимови, меѓу кои беа Манчестер јунајтед, Евертон, неколку бундеслигаши и шпански клубови, но младиот напаѓач на крајот реши дека сака да игра за Челси.

Фото: Facebook/Chelsea Football Club