Политичари учете: Кога игра Македонија сите с(м)е од иста вера и националност - обединети (ФОТО)

13 јуни 2021 - 12:36

Дека спортот го обединува сите без разлика на националната и верска припадност одамна е познато, а денеска на дело може да се види во Букурешт, кој е окупиран од илјадници македонски навивачи, кои уште од вчера со песна ја искажуваа својата радост поради дебитантскиот настап на фудбалерите на едно големо натпреварување.

Колку и да се обидуваа политичарите во последните три децении да ги разгорат националните страсти и да ги поделат тие што живеат во нашата држава, ваквите спортски настани се примери на кои треба да учат за меѓусебно почитување, разбирање и секако, љубов кон матичната држава. Така воопшто не е изненадување да се видат тројца другари од македонската, албанска и турска националност како заеднички доаѓаат во романската престолнина за заедно да гинат на трибините за Пандев, Елмас, Алиоски, Адеми, Барди и останатите избраниците на селекторот Игор Ангеловски.

Сето ова е само доказ дека нема ништо подобро за една држава од квалитетен спорт и успеси на голема сцена, кои дефинитивно ги истакнуваат вистинските вредности на сите Македонци, без разлика на националната и верска припадност