Зидан: Преку глава ми е да слушам како Реал победувал со судии
Дел од јавноста смета дека „кралевите“ имаат привилигирана положба кај судиите, па добиваат пенали, што за други клубови можеби не би биле досудени. На ваквите притисоци реагираше и Зинедин Зидан по дуелот во Билбао.
„Навистина ми е преку глава да слушам дека сме победувале благодарение на судиите. Тоа нема да се смени, но играчите заслужуваат секаква почит. Никој нема да не измести од нашите амбиции и цели“, изјави Зидан.
Французинот најави дека неговиот тим и покрај седумте победи на седумте натпревари по рестартот на сезоната не размислува на титулата. Кога математички ќе биде обезбедена тогаш неговиот тим ќе може да се опушти, засега тоа не е случај.