Претстои невидена тренерска вртелешка во Серија А - ќе менуваат скоро сите

Рафаеле Паладино вчера поднесе оставка на функцијата во Фиорентина, претходно истото го направи Паоло Ваноли од Торино, а одамна е позната дека Клаудио Раниери нема да остане на клупата на Рома. Но, освен нив, промени подготвуваат и најславните италијански клубови и прашање е дали некој воопшто ќе остане на своето место во однос на минатата сезона.

Новиот спортски директор на Милан, Игли Таре најави дека Консеисао нема да ги води „росонерите“, Антонио Конте е се подалеку од Наполи, Игор Тудор само чудо може да го остави во Јувентус, а најинтересно ќе биде ако Симоне Инзаги ја прифати понудата од Саудиска Арабија и го напушти Интер, особено ако со „нераѕурите“ в сабота триумфира во финалето од Лигата на шампионите. Најавено е заминување и на тренерот на Лацио, Марко Барони, како и на Џанпјеро Гасперини кој девет години беше тренер на Аталанта.

Како што во моментов стојат работите, единствените што се сигурнни се Цеск Фабрегас и Винченцо Италијано. Првиот прави чуда со Комо и во новата сезона најверојатно ќе влезе дополнително засилен, а вториот го освои Купот на Италија и обезбеди пласман во Лигата Европа.