Шкендија ќе ја наполни касата: Второто квалификациско коло во ЛШ носи и многу пари!

16 јули 2025 - 07:26

Екипата Шкендија вчера со 2-1 по продолженија успеа да го елиминира ТНС од Велс, а пласманот во второто коло од квалификациите за тетовскиот клуб знчи и доба заработка.

Со самото учество во првото коло од од Лигата на шампионите, Шкендија заработи 300.000 евра, а со пласманот во второто коло македонскиот шампион ќе инкасира уште дополнителни 400.000 евра.

Тоа значи дека тетовци веќе имаат обезбедено 700.000 евра, но добивките нема да завршат тука дури и ако Шкендија биде елиминирана од Стеауа во второто коло..

Во случај на елиминација Шкендија продолжува во третото квалификациско коло од Лига Европа каде што ја чекаат 550.000 евра, а ако таму биде елиминирана ќе се прессели во плеј-офот од Конференциката лига за кој УЕФА исплаќа уште 460.000 евра.

Кога сето ова ќе се собере значи дека Шкендија и да ги загуби сите европски натпревари до крајот на ова лето ќе ја наполни касата за 1.710.000 евра.

Оваа сума не ги вклучува добивките од продадени билети, спонзори и или ТВ права.