Манчестер сити закажа финале против Кристал Палас во ФА-купот

27 април 2025 - 19:43

Поранешниот англиски шампион Манчестер сити славеше во дуелот против Нотингем Форест со 2-0 во полуфиналето на ФА-купот и си закажа пресметка против Кристал Палас за пехарот во натпреварувањето.

„Граѓаните“ го шокираа ривалот уште во втората минута кога Луис стрелаше за водство од 1-0. Нотингем Форест не успеа да одговори, па нов шок стигна на стартот на вториот дел од мечот кога Гвардиол погоди за конечни 2-0.

Манчестер сити на 17 мај ќе се судри со Кристал Палас во финалето, откако лондонската екипа претходно го елиминира Астон вила со 3-0.

Фото: FB/Manchester City