Јунајтед се договорил со новиот тренер, треба само да ја плати отштетата за него!

29 октомври 2024 - 09:09

Португалскиот стратег, Рубен Аморим, е на пат да стане новиот тренер на Манчестер јунајтед, откако ги прифати личните услови од англискиот клуб, по што сега ќе следуваат преговори со неговиот актуелен тим, Спортинг Лисабон.

Тој во разговорите со Манчестер јунајтед дискутирал за идниот проект, визијата и финансиските аспекти на евентуалениот договор. Аморим, наводно, бил задоволен од понуденото и ја прифатил понудата.

Според англиските медиуми, останува да се финализираат преговорите помеѓу Јунајтед и португалскиот првак, кои се очекува да завршат успешно. „Црвените ѓаволи“ ќе платат околу 10 милиони евра, колку што изнесува откупната клаузула во договорот на Аморим со составот од Лисабон.