„Бернабеу“ им се поклони на Анчелоти и Модриќ: Реал ја заврши сезоната со триумф (ФОТО)

24 мај 2025 - 18:11

Реал Мадрид славеше со 2-0 против Реал Сосиедад во последното коло од шпанската Ла Лига, но ова ќе се памети како последен меч за Карло Анчелоти на кормилото, но и на Лука Модриќ во првенството во дресот на „кралевите“.

Головите за победа на „кралскиот клуб“ ги постигна Килијан Мбапе во 38. минута и 84. минута, со што го презема и првото место во трката за „Златната копачка“.

На почетокот на натпреварот беа истакнати и транспаренти на трибините со кои навивачите им се заблагодарија на Анчелоти и Модриќ, при што италијанскиот стратег пушти и солзи.

Реал ја завршува сезоната на втората позиција со 84 бодови, откако претходно Барселона ја освои шампионската титула.