Аморим со господски потег ги освои срцата на навивачите на Манчестер јунајтед

14 мај 2025 - 17:41

Португалскиот тренер Рубен Аморим почна да добива критики затоа што Манчестер јунајтед има очајни резултати во Премиер лигата, но и покрај тоа може да го освои пехарот во Лига Европа доколку слави против Тотнем во финалето кое се игра на „Сан Мамес“ во Билбао.

Бизнисменот Сер Џим Ретклиф заедно со управата на „ѓаволите“ реши да не додели бесплатни билети за вработените во клубот, но затоа Аморим реши да го направи тоа и така да ги освои срцата на навивачите.

Аморим од својата плата ќе купи билети за 30 вработени, па така тие ќе можат да бидат присутни на „Сан Мамес“ и да го гледаат дуелот против Тотнем во финалето на Лига Европа.

Финалето меѓу Тотнем и Манчестер јунајтед е закажано за 21 мај од 21 часот.

Фото: Facebook/Manchester United