Реприза од ланското финале: Ѓоковиќ ќе се бори против Алкараз на Вимблдон

Ѓоковиќ направи брејк во шестиот гем за предност од 4-2, по што пропушти две сет-топки, а Музети со брејк намали на 4-5. Сепак, српскиот тенисер ја доврши работата во следниот гем и славеше со 6-4.

Вториот сет почна добро за Италијанецот кој направи брејк и го одржуваше водството до 3-3, кога Ѓоковиќ возврати со иста мера. Победникот во сетот се решаваше во тај-брејк каде што Србинот беше подобар со 7-2.

Србинот во третиот сет веднаш направи брејк на сервисот на Музети и го одржуваше водството до крајот за да слави со 6-4.

Ѓоковиќ ќе има шанса да му се реваншира на Карлос Алкараз во финалето на Вимблдон, откако минатата година беше совладан со 2-3 во сетови.