Еуроспорт му се извини на Ѓоковиќ што го направи Хрват

05 август 2024 - 17:22

Еден ден откако направи грешка и покрај Новак Ѓоковиќ, во објавата за златниот олимписки медал стави хрватско знаме, спортската телевизија Еуроспорт упати извинување до тенисерот и неговата нација.

„Длабоко жалиме поради грешката која е направена при изборот на емотиконот на знамето за објава на една социјална мрежа. Искрено се извинуваме. Уште еднаш му честитаме на Новак на историскиот успех за него и неговата земја“, напиша Еуроспорт.

Ѓоковиќ вчера го победи Карлос Алкараз во финалето во Париз и првпат во кариерата стана олимписки шампион.