Ивановски загуби, победникот меѓу Македонија и Молдавија ќе се решава во двојки!

12 јуни 2025 - 14:22

Најдобриот македонски тенисер, Калин Ивановски во два сета го загуби мечот против Илија Снитари, па мечот во двојки ќе реши кој ќе го добие дуелот меѓу нашата репрезентација и Молдавија.

Македонија добро отвори против Молдавија, со победа на Мицов, но во вториот меч бевме поразени откако Ивановски загуби од Снитари.

Тенисерот од Молдавија лесно се справи со нашиот Ивановски, за помалку од час и половина победи со 6-3 и 6-2.

Во мечот во двојки кој ќе биде решавачки се пријавени Ивановски и Мицов, а за Молдавија Андреј Киумак и Снитари.