Австријките пресилни: Одбојкарките со пораз ја почнаа сребрената лига (ФОТО)

27 мај 2023 - 21:40

Македонската женска одбојкарска репрезентација со пораз се врати после подолго време на меѓународна сцена, па денеска во СЦ „Борис Трајковски“ очекувано загуби од Австрија, која беше пресилна за триумф во три сета на дебито во Сребрената лига (25-15, 25-20, 25-15).

Македонските одбојкарки одиграа меч во грч, па само на моменти покажаа дека имаат и повеќе квалитет и капацитет од тоа што го остварија во трите сета. Слаб прв сет отворија избраничките на Стефан Пауновиќ со освоени само 15 поени, а во вториот сет покажаа многу повеќе како најава дека можат и подобро, но во третиот сет брзо се најдоа во голема негатива (3-10), па Австријките рутински одработеа за повторно да нѐ остават на 15 поени и да слават на мечот.