Македонија со пораз од Фарски Острови го почна насапот на СП - Митун ни даде 15 гола!

18 јуни 2025 - 15:49

Македонската ракометна репрезентација до 21 година немаше позитивен старт на Мундијалот кој се одржува во Полска откако одигра загуби во првото коло од селекцијата на Фарски Острови со 33-28, разликата ја направи неверојатниот Оли Митун кој даде речиси половина од головите на противникот.

Селекцијата на Фарски Острови на големиот турнир до 21 година настапува со вајлд-карта, но и покрај тоа беше фаворит на денешниот меч со Македонија и ја на теренот ја оправда таквата улога.

Првото полувреме беше израмнето, репрезентациите се менуваа во водство, во финишот Фарски Острови беа подобри и на одморот заминаа со еден гол позитива, беше 16-15.

Во второто полувреме нашиот противник беше подобар, почна полека да се одлепува и да создава предност од повеќе голови разлика, на крајот победија со пет, конечниот резултат беше 33-28 за Фарски Острови.

Најдобри стрелци кај Македонија беа Калајџиески и Узунчев со по шест гола, а Фарски Острови го имаа неверојатниот Митун кој постигна дури 15 погодоци.

Следниот меч на Македонија е веќе утре против селекцијата на Романија, натпреварот почнува во 14 часот. Романците во првото коло го совладаа Исланд со 29-25.

Првите две од групата продолжуваат во следната фаза, па доколку сакаме да одиме таму ќе ни биде неопходен триумф на утрешниот меч против Романија.