Алкалоид: Дојдете на време на ракометниот празник - се гледаме во сала!

25 мај 2025 - 13:52

Вечерва Алкалоид во СЦ „Борис Трајковски“ го игра реванш натпреварот oд финалето во Европскиот Куп на ЕХФ против АЕК во кој има предност од четири гола од првиот натпревар. (25-29).

Кире Лазаров се одлучи ништо да не менува и натпреварот ќе го започне со истите ракометари со кои играше и во првиот натпревар, а Алкалоид објави важни информации за сите кои имаат купено билети.

Вратите се отвораат во 18:45 часот и ќе бидат затворени во 20:00 часот, средбата започнува во 20:30 часот.

„РК Алкалоид ги информира посетителите на финалето против РК АЕК од Атина во Европскиот Куп на ЕХФ дека влезовите на СЦ „Борис Трајковски“ ќе бидат отворени во 18:45 часот и ќе се затвораат во 20:00 часот! 

Се молат сите посетители да дојдат во сала навремено, со цел да се избегне метеж при влезот, како и при стандардната проверка на билетите! Се гледаме во сала! Заедно да го бодриме нашиот тим коректно и достоинствено, да уживаме во ракометниот празник и да навиваме за РК Алкалоид!“, објави Алкалоид.

Натпреварот започнува во 20:30 часот.