Манев со Риека стана шампион на Хрватска

25 мај 2025 - 18:58

Фудбалерите на Риека триумфираа со 2-0 против Славен Белупо и станаа нови шампиони на Хрватска, откако зад нив останаа Динамо Загреб и Хајдук Сплит.

Риека го постигна првиот гол преку Јанковиќ во 12. минута од средбата, по што Фрук стрелаше во 50. минута за конечни 2-0 и нова титула за екипата во хрватскиот шампионат.

Македонскиот репрезентативец Јован Манев беше дел од составот на Риека, меѓутоа не доби шанса од клупата за резерви. 

Манев оваа сезона настапи на седум натпревари за новиот хрватски шампион во домашното првенство.

На останатите натпревари, Динамо Загреб славеше против Вараждин со 1-0, додека Хајдук Сплит триумфира со 1-0 против Шибеник.

Standings provided by Sofascore

Фото: Facebook/NK Rijeka