Работнички и Силекс први ќе го тестираат новиот ВАР систем на ФФМ!

01 јули 2025 - 13:26

Од наредната сезона во ПМФЛ ќе се користи ВАР системот за кој од Фудбалската федерација најавија дека ќе ја имаме една од најмодерните ВАР соби во Европа, а веќе утре системот ќе го има првиот тест.

Први можноста да го тестираат системот на кој се работи во изминатите месеци ќе имаат екипите на Работнички и Силекс во пријателски натпревар.

Натпреварот ќе се одигра на тренинг комплексот „Петар Милошевски“ со почеток од 18:30 часот.

Инаку, досега во Македонија ВАР се користеше само во финалето од Купот на Македонија и натпреварите на репрезентацијата.