Ѓоковиќ доби голема парична награда за освоениот трофеј на Вимблдон

14 јули 2019 - 22:15

Српскиот тенисер Новак Ѓоковиќ денеска го освои својот петти трофеј на Вимблдон, откако во финалето го победи Роџер Федерер со 3-2 во сетови по пет часа борба.

Србинот притоа доби и голема парична награда, односно речиси три милиони долари, додека Федерер мораше да се задоволи со речиси 1,5 милиони долари.

Вреди да се спомене и дека Ѓоковиќ е рекордер меѓу тенисерите според заработката, зашто досега заработи над 130 милиони долари, додека Федерер има заработено 124 милиони долари.