Само тројца фудбалери на Јунајтед се недопирливи – сите други се на продажба!

Клубот сака следната сезона да атакува на трофеи, за што му требаат поквалитетни фудбалери, а за да дојде до нив планираат да го распродадат речиси целиот состав. „Телеграф“ објави дека само тројца од сегашниот сениорски погон се недопирливи и нема да бидат на продажба и тоа Маино, Хојлунд и Гарначо, кои и тие се сметаат за иднината на „ѓаволите“.

Јунајтед во моментов е на шестата позиција на табелата во Премиер лигата, без никакви шанси за пласман во Лигата на шампионите, а до крај допрва треба да се бори за излез во Лигата на Европа или Конференциската лига, а тоа може да го стори и доколку го освои ФА купот, каде што во финалето за противник го има градскиот ривал Манчестер сити.