Ниту најдоброто од Џејмс не помогна: Бостон води со 2-0 против Кливленд (ВИДЕО)

16 мај 2018 - 09:16

Кливленд беше далеку подобар во вториот натпревар од финалето на Источната конференција, но ниту тоа не беше доволно за брејк во Бостон, кој ја задржа предноста на домашен терен и поведе со 2-0 благодарение на победата од 107-94.

Селтикс во третиот период се вратија, откако претходно имаа и двоцифрена негатива и покажаа дека се зрел тим за големи нешта, иако играат без двете први ѕвезди Кајри Ирвинг и Гордон Хејворд.

Леброн Џејмс постигна 42 поени, а придодаде и 10 скока и 12 асистенции, но кога и еден ваков трипл-дабл ефект е недоволен, јасно е каков натпревар одиграле домашните кошаркари. Тимската игра повторно ги красеше Селтик, кои имаа дури шесторица кошаркари со двоцифрене ефект во нападот, а најефикасен беше Џејлен Браун со 23 поени. 

Сега серијата се сели во Кливленд, каде се играат следните два натпревари.