И Силекс му зема мерка на Пелистер, се продлабочува кризата на битолчани!

26 октомври 2025 - 15:22

Силекс во Кратово го надигра Пелистер и го победи со 3-1, битолскиот тим врза седум меча без триумф во Првата македонска фудбалска лига (ПМФЛ) од кои шест им се порази.

Пелистер го промени тренерот, но резултати не дојдоа, биточани продолжуваат да редат лоши резултати.

Мечот беше рано отворен, во 19. минута Додев погоди за водство на Силекс од 1-0. Со тој резултат се заврши првото полувреме.

По девет минути игра повторно Додев даде гол, овојпат за 2-0. Но, Пелистер успеа да се врати откако Спировски осум минути подоцна намали на 1-2.

Точка на мечот стави Говедарица кој реализираше во 87. минута за конечна победа на Силекс од 3-1.

ПМФЛ 10. коло:

Петок
Башкими – Шкупи 4-1
Тиквеш – Арсими 3-4
Сабота
Работнички – Македонија ЃП 0-0
Струга – Брера 2-4
Недела
Силекс – Пелистер 3-1
Понеделник
Шкендија – Вардар