Фиорентина уште ќе чека на прв триумф, со два пенали се спаси од пораз (ВИДЕО)

26 октомври 2025 - 20:29

Фудбалерите на Фиорентина со два гола од пенал успеаа да избегнат пораз на домашен терен против Болоња и ремизираа 2-2.

Болоња го отвори резултатот во 25. минута од средбата кога стрелаше Кастро и тоа беше единствениот гол во првото полувреме. По само седум минути игра во вториот дел, Болоња дојде и до втор гол преку Камбиањи.

Првиот пенал Фиорентина го доби во 73. минута кога го реализираше Гудмудсон. Десет минути подоцна проблемите за гостите се зголемија бидејќи исклучен беше Холм.

Болоња и така беше блиску до победа, но во третата минута од судиското продолжение, Фиорентина доби нов пенал кој во гол го претвори Кин. Фиорентина сезонава и по осум кола е без победа, а со четири бода се наоѓа на 18-таата позиција, Болоња е петта со 14.