Синер се враќа - ќе ја брани титулата во Синсинати

01 август 2025 - 21:32

По речиси едномесечна пауза,најдобриот светски тенисер Јаник Синер ќе се врати на тениските терени на Мастерсот во Синсинати кој почнува идната недела.

Својот последен настап тој го забележа на Вимблдон каде ја освои титулата откако во финалето го совлада Карлос Алкараз, но потоа го откажа учеството во Вашингтон и на Мастерсот во Торонто. Одморот го помина на Сардинија и во Монте Карло каде што е во моментов, но утре патува за Синсинати на аклиматизација пред турнирот каде ќа ја брани титулата освоени лани.

Пред Синер е исклучително важен период бидејќи во Синсинати и на УС Опен брани вкупно 3.000 бода, додека неговиот најголем конкурент Карлос Алкараз брани само 60 и има голема шанса да го симне од челната позиција на АТП листата.