Стерлинг може да направи трансфер каков што никој не очекува

02 август 2025 - 18:41

Некогаш еден од најдобрите крилни фудбалери во светот, Рахим Стерлинг кариерата би можел да ја продолжи во Трабзонспор кој покажа голем интерес да го доведе во своите редови.

Стерлинг е под договор со Челси каде што се врати ова лето по позајмицата во Арсенал, но тренерот Мареска не смета на неговите услуги.

Челси наводно веќе започнал преговори со турскиот клуб, а вредноста на пазарот на Стерлинг изнесува околу десет милиони евра.

Неговиот договор со „сините“ е со важност до јуни до 2027 година и можеби ова е последна можност да извлече одредена сума од неговото замиување.

Со Стерлинг претходно летово се поврзуваа: Фулам, Јувентус и Кристал палас, меѓутоа за разлика од нив Трабзон е многу по сериозен во својата намера.

Стерлинг има 30 години и најдобриот период од кариерата го помина во Ливерпул и Манчестер сити, додека за репрезентацијата на Англија собра 82 натпревари во кои постигна 20 погодоци.

Фото: Arsenal/X