Левандовски ќе ја игра последната сезона за Барса - во 2026 се сели во Саудиска Арабија!?

Поедини медиуми од Саудиска Арабија тврдат дека идното лето тој ќе ја напушти Каталонија и ќе се пресели во оваа азиска држава иако тоа е целосно против неговите сфаќања и идеи за кариерата. Многу пати досега Полјакот изјавуваше дека не постојат никакви шанси некогаш да заигра во Саудиска Арабија, без разлика на парите што ќе му бидат понудени оттаму. Дури и неговата менаџерска агенција веднаш ги демантираше овие наводи.

„Во моментов нема преговори помеѓу Левандовски и некој саудиски клуб, но не е исклучено тоа да се случи во следниот период“, објавија оттаму.

Левандовски дојде во Барселона во 2022 година и за три сезони освои две шампионски титули во Ла Лига и вкупно пет трофеи со каталонскиот клуб. Кога пристигна на Камп Ноу, Барса беше во очајна состојба, но тој беше решен да го оствари својот долгогодишен сон и да го облече дресот на „блауграна“.