Кратко траеше радоста кај навивачите: Клоп демантира дека се договорил со Рома!

20 мај 2025 - 11:49

Јирген Клоп на крајот на минатата сезона најави дека се повлекува од тренерската работа, но утрово се појавија шокантни наслови во италијанските медиуми дека тој повторно се враќа во акција и ќе ја тренира Рома, меѓутоа Германецот ги демантираше шпекулациите.

Медиумите ја објавија приказната дека Клоп ќе ја преземе Рома, а веднаш почнаа и со шпекулациите за неговите потенцијални засилувања за следната сезона, меѓутоа радоста кај навивачите на калчолигашот траеше кратко.

„Преговори со Рома не постојат, тоа е лажна приказна“, објави агентот на Клоп.

Клоп во кариерата работеше како тренер на Мајнц, Борусија Дортмунд и Ливерпул, при што успеа да освои голем број пехари меѓу кои се титулата во Премиер лигата и Лигата на шампиони.