Јувентус ја надигра Монца и се врати во трка за ЛШ

27 април 2025 - 20:15

Фудбалерите на Јувентус триумфираа против Монца со 2-0 во 34. коло од Серија А, со што освоија важни три бодови во трката за позициите кои водат во Лигата на шампиони (ЛШ).

„Старата дама“ двата погодоци ги постигна во првиот дел, и тоа преку Гонзалес и Коло Муани, по што Јилдиз доби црвен картон, меѓутоа Монца не успеа да ја искористи предноста од еден фудбалер повеќе на теренот до крајот на мечот.

Јувентус се наоѓа на четвртата позиција со 62 бодови, додека зад него се Болоња и Рома со по 60 поени.

Фото: FB/Juventus