Интер остана без еден од најважните фудбалери за дуелот со Барселона

28 април 2025 - 18:47

Италијанскиот гигант Интер се соочува со голема криза, откако остана без шанса да го освои Купот на Италија, а потоа имаше неколку лоши резултати во Серија А и му дозволи на Наполи да го преземе водството.

Калчолигашот се соочува со дополнителни проблеми пред мечот против Барселона во Лигата на шампиони (ЛШ), односно првиот полуфинален меч ќе го пропушти Бенжамин Павар.

Павар се повреди во дербито против Рома, па нема да биде подготвен за гостувањето кај Барселона на 30 април, а „Газета дело Спорт“ пишува дека Јан Бисек ќе биде замена за францускиот дефанзивец.