Организаторите на мастерсот во Мадрид ги одложија сите натпревари!

28 април 2025 - 19:48

Тенисерите во Мадрид денеска одмараат поради прекинот со снабдување со електрична енергија во цела Шпанија, поради што организаторите на мастерсот немаа друг избор освен да ги одложат натпреварите.

Денеска нема да се одиграат повеќе натпревари, иако на теренот претходно се појавија Арналди и Џумхур.

„Поради работи кои се надвор од контрола на организацијата и гаранциите за општа безбедност, прекинот на електричната енергија кој се случи во понеделник, нè натера да ги откажеме сите натпревари“, соопштија организаторите.