Скариоло ќе остане селектор на Шпанија до 2028 година

15 март 2024 - 20:37

Серхио Скариоло има успешна соработка со кошаркарската репрезентација на Шпанија, која планира да му го продолжи договорот на уште четири години.

„АС“ пишува дека Скариоло се договорил за соработка до 2028 година и наскоро се очекува официјална потврда од двете страни.

Селекторот во првиот мандат им донесе сребрен медал на Шпанците во Олимписките игри (ОИ) во 2012 година во Лондон, додека во вториот стана светски и европски шампион, а го освои и третото место на ОИ во Рио.