Тен Хаг: Манчестер јунајтед не може да се бори за титулата следната сезона, ниту за второто место!

27 април 2024 - 11:26

Тренерот на Манчестер јунајтед, Ерик Тен Хаг ги разочара фановите со песимистичка изјава за иднината на тимот, вели дека не можат да стигнат ниту до второто место, а не па да се борат за титулата идната сезона.

Манчестер јунајтед завршува уште една разочарувачка сезона, тимот одамна не бил конкурентен за титулата во Премиерлигата, а Тен Хаг очекува така да биде и во наредната сезона.

„Мислам дека кога би ги имале сите играчи на располагање, би можеле да се бориме за топ четири. Уверен сум во тоа. Во Премиерлигата веќе не е трка на 2-3 тима, тука се Тотнем, Астон Вила, Њукасл, има многу добри тимови, 5-6 тимови. Челси да не ги заборавиме. Сите тие се борат за топ четири и ние сме едни од нив. Но, не сме во позиција да се бориме за првото или второто место, тоа е факт, но можеме да се доближиме до нив доколку имаме добар преоден рок“, рече Тен Хаг.