Моќни гевгеличани: Блокотехна го прегази освојувачот на Купот на Албанија!

06 февруари 2019 - 20:22

Македонската екипа Блокотехна одигра уште еден фантастичен меч во БИБЛ-лигата, па го прегази албанскиот претставник Теута со високи 90-62, па така го запиша шестиот триумф во натпреварувањето.

Гевгеличани тргнаа фуриозно од самиот старт на натпреварот, па по првата четвртина имаа водство од 21-14, додека на полувреме заминаа со предност од 48-24.

Во вториот дел, Блокотехна продолжи да ја диктира играта, па постојано ја зголемуваше предноста (71-43), а на крајот триумфираше тимот од Гевгелија со 90-62.

Најефикасен во редовите на Блокотехна беше Брендон Пен со 24 постигнати поени, а Данило Мијатовиќ постигна 18 поени.

Во моментов Блокотехна е на четвртата позиција во БИБЛ-лигата со 14 освоени бодови од осум одиграни натпревари.