Цибона и официјално во стечај – сезоната ја почнува со пет сениори и куп деца!

22 септември 2023 - 12:24

Најтрофејниот хрватски кошаркарски клуб Цибона и официјално банкротираше, откако клупската смета остана блокирана повеќе од 12 дена по ред па мораше да биде прогласен стечај.

Цибона неодамна објави дека започнува процес на трансформација во спортско акционерско друштво, во кое долговите би биле трансформирани во акции. „Волците“ имаат рок од 45 дена да ги убедат надлежните институции како да го извлечат клубот од оваа тешка ситуација.

Клубот освен од финансиска не изгледа добро ниту од играчка страна. Поради блокадата од ФИБА за регистрирација нови играчи, па во моментов има само пет професионални играчи и уште десетина јуниори со цел да ги задоволи барањата за почеток на сезоната во АБА-лигата.