Изненадување во НБА: Четвртиот тим на Западот го избрка тренерот!

28 март 2025 - 20:09

Eкипата на Мемфис изненадувачки го отпушти тренерот, Тејлор Џенкинс на само две недели пред крајот на лигашкиот дел и покрај одличниот скор на победи и порази од 44-29 со кои се наоѓаат на делба на четвртата позиција со Лејкерс на Западнатак онференција.

Откако пристигна на клупата на Мемфис 40-годишниот Џенкис вкупно оствари учинок од 250 победи и 214 порази, а оваа сезона тимот направи позитивен исчекор откако минатата ја завршија со негативен биланс од 27 победи и 55 порази.

Причина за реакцијата на раководството веројатно се петте порази на последните седум натпревари. Отказот го потврди и генералниот менаџер на Мемфис, Зак Клеиман.

„Искрено го ценам придонесот на Тејлор за овој тим и овој град во изминатите шест сезони и ова беше тешка одлука со оглед на развојот на нашите кошаркари и вкупниот успех кој го имавме под водство на Тејлор. Му посакувам се најдобро во иднина“, изјави Клеиман.